Четири патнички возила се судрија предмалку на наплатната рампа кај Тетово. Како што известуваат од СВР Тетово за „Република“ во несреќата, која се случила во 13:40 часот, полесно е повредено едно лице, кое било пренесено во тетовската болница.
Во сообраќајката учествувале „хонда“ со словенски регистерски таблички, управувана од 56-годишниот Ф.В. од Добридол, гостиварско, „пежо“ со охридски таблички управувано од Д.Г. (50) од Охриуд, „цитроен“ со бугарски регистерски таблички управуван од С.У. (55) од Струга и „мазда“ со австриски регистерски таблички, управувана од 34-годишниот Ј.М. од Австрија. Сите тие се движеле од Гостивар кон Тетово.
Повреден е возачот на „хондата“. Во тек е полициски увид, по што ќе се знаат околностите кои довеле до судирот.
ФОТО: Прес 24