УЕФА ги замоли фудбалерите на Португалија, Велс, Франција и Германија, по завршувањето на полуфиналните натпревари да не ги носат на теренот своите деца.
„Ова е Европско првенство, а не семејна забава. Стадионите не се најбезбено место за мали деца, особено ако навивачите влезат на теренот. Тоа е убава слика, ние не сме 100 отсто против тоа, но мора да бидеме внимателни“, порачал директорот на турнирот Мартин Кален.
Овој апел на УЕФА најмногу се однесува на велшките репрезентативци, кои победата во четвртфиналето над Белгија ја прославија со своите деца на теренот во Лил.
Полуфиналните мечеви Португалија-Велс и Германија-Франција ќе се одиграат на 6 и 7 јули во Лион, односно Марсеј.
