На интернет се појавија нови интересни информации, што наводно ги потврдил експерт од „Самсунг“, кој работел на прототпип за моделот „галакси с10“.
Како што објави „ГСМ арена“, веќе е јасно дека „с10“ ќе биде достапен во три големини и дека моделот со 5,8-инчен екран ќе го носи називот „лајт“.
Најмалиот „галакси с10“ ќе има чипсет и меморија како и другите модели од линијата. Исклучок ќе биде премиум-верзијата „галакси с10+“, која ќе има 12 гигабајти РАМ-меморија и 1 терабајт простор за складирање.
Моделот „с10+“ со 6,4-инчен екран ќе има три камери на задната страна и две напред, а другите модели ќе имаат една предна камера.
„Галакси с10“ со 6,1-инчен екран исто така ќе има три камери на задната страна, а најмалиот „с10“ ќе има два објектива.
Leaked pics of the Samsung galaxy S10 🔥🔥🔥 #SamsungGalaxyS10 pic.twitter.com/kDmdPQZfof
— Usman MB (@UMB_KD) January 24, 2019
Што се однесува до надворешниот изглед, уредот ќе има стандардна црна верзија, потоа бела (Pearl) и зелена (Sea Green). Можно е некои од моделите да бидат достапни во уште некоја боја, како, на пример, сина или жолта.
Сите три модели на „самсунг галакси с10“ ќе имаат One UI софтвер и стандарден 3,5-милиметарски приклучок за слушалки.
