Во средбата од 1-то коло на Групата Б од европскиот фудбалски шампионат, вистинската спортска битка на теренот ги замени хулиганските безредија кои изминатите три дена го потресуваа француски Марсеј, во којашто Англија и Русија одиграа без победник 1-1, откако Русите и покрај доцното водство на Англичаните успеаја да изедначат во втората минута од судиското продолжување.
Откако првото полувреме мина со иницијатива на Гордиот Албион но без погодоци, Англичаните поведоа во 73 минута со голот на Ерик Дајер со гол од слободен удар, а Русите од пораз ги спаси капитенот Василиј Березуцкиј во на една минута пред истекот на триминутното судиско продолжување.
Младата репрезентација на Англија со големи мотиви за докажување уште еднаш не успеа да ја победи традицијата, односно да слави во првиот меч на некое големо натпреварувања, на коишто Русите уште имаат подобар скор во однос на Англичаните.
И делумно поради тактиката на рускиот селектор, и поради еланот на англиските фудбалери, Англија на марсејски „Велодром“ вкупно гледано беше подобриот тим, имаше повеќе шанси, но покажа и голема неефикасност. А кога успеаја да поведат со прекрасниот слободен удар на Дајер од 18-ина метри, невнимателно им дозволија на Русите, кои дотогаш имаа една или две ткн полушанси, да изедначат.
Сепак, овој резултат оди во прилог на натпреварувачката неизвесност во групата во која поведе Велс кој претходно со 2-1 ја совлада Словачка.
Непријатната увертира на дуелот во Марсеј беа жестоките судири на повеќебројните англиски навивачи со руските, како и со домашните француски навивачи, кои траеја три дена, и не престанаа ниту по почетокот а ниту по завршувањето на мечот. Англиските навивачи ја исвиркаа руската химна, за по последниот свиреж на судијата руските навивачи да се префрлат во секторот на англиските фудбалски фанатици. Претходно во судирите во саботата, според марсејската полиција, бил повреден 31 човек.
Самиот меч започна живо, а првата шанса ја имаше Лалана во 7 минута по продорот на Вокер, но рускиот голман Акинфеев, како и подоцна во текот на мечот, покажа дека е концентриран, во 12 минута Смајлинф со глава шутираше во добро поставениот Акинфеев, а на спротивната страна на сличен начин во 17 минута одговори со глава Игнашевич чиј удар го скроти англискиот голман Џо Харт. Во 22 минута повторно се обиде Лалана, овојпат со нога, а во 35 минута својот шут го испроба и Руни, но и двата пати Акинфеев беше на место.
Русите подобро го отворија второто полувреме, изградија неколку опасни ситуација пред англискиот гол, а во 63 минута Смолов итро пласираше за малку крај голот на Харт. Во 71 минута следеше најфудбалскиот момент на мечот, кога на нафрлувањето на Роуз беше одбиено на 13 метри од рускиот гол на што натрча Руни и силно ниско биеше, но Акинфеев испеа топката да ја одбие во пречката. Сепак, две минути подоцна Англика поведе со прекрасниот гол на Дајер од слободен удар од 18 метри упати силен и прецизен удар.
Сепак, иако многумина, а во прв ред веројатно англиски фудбалери, помислија дека тоа е голот на одлуката, Русите продолжија да инсистираат да градат ситуација повеќе да се изнуди грешка на противникот, што и се случи на минута до крајот на продолжението. Глушаков, како и неколкупати претходно, во англискиот шеснаесетник испрати висока топка, на којашто Березуцкиј ги наскока противниците и го лобуваше немоќниот Харт во спротивниот агол од неговиот гол.
http://dai.ly/x3o67t6
