Новак Ѓоковиќ пред повеќе од една година го смени главниот спонзор и од „Уникло“ премина на „Лакоста“.
Српскиот тенисер после пет години како најголем амбасадор на јапонската компанија се реши на промена и се обврза на соработка со францускиот гигант. Со оглед на тоа што не беа објавени детали од договорот, се шпекулираше дека е еден од највредните во историјата на белиот спорт, а по големиот успех на Вимблдон и четвртата титула, конечно е откриено за која сума се работи.
„Лакоста“ му плаќа на Ѓоковиќ 9,4 милиони долари на годишно ниво, а договорот е потпишан за пет години. Ова е 15 милиони помалку од сумата што се шпекулираше во медиумите.
Според податоците на „Форбс“, најдобриот српски тенисер во изминатите 12 месеци, од мај 2017 до мај 2018 година, заработил 23,5 милиони долари, но само милион и половина биле од турнирски награди. Вкупно 22 милиони долари добил од спонзори, меѓу кои „Лакоста“, „Хед“, „Акикс“ и „Сеико“.
