Човечкиот папиломен вирус се пренесува преку полов пат и ги засега мажите и жените. Ако не започнете да го лекувате навремено, може да дојде до сериозни последици, бидејќи од него лесно може да се образува рак. Затоа бидете внимателни.
Научниците досега откриле 100 вида од овој вирус. Некои видови од овој вирус предизвикуваат обикновени брадавици по рацете и нозете, но не се штетни. Сепак постојат над 10 видови од овој вирус кои можат да се појават на гениталните органи. Развивањето на овој вид на вируси може да прерасне во рак.
Вирусот може да се распространи преку генитален контакт, телесни течности или контакт со кожа на заразен човек. Но, најчесто се пренесува преку сексуални односи.
Дополнително, да ви напоменеме дека кондомите не се 100% заштита од овој вирус. Сепак, докторите предупредуваат да се прават чести гениколошки консултации. Кај одреден процент на заболените, после 10 до 20 години овој вирус може да се развие во рак на матката.
