Една млада жена со нарушена исхрана опасна за животот ја открива својата трансформација.
Ени Виндли пет години живеела на диета со еден тост со џем секој ден и имала само 29 килограми. Со текот на годините 21-годишната девојка била во болница дури пет пати, но таа успеала да го надмине нарушувањето кога една ноќ ѝ се јавила желба за слатко и изела чоколатце „линд“.
Потоа сфатила дека тоа не влијаело врз нејзината тежина и постепено почнала да губи страв од храна и почнала да ја зема нормално. Таа сега има 45 килограми и првпат зборува за борбата со анорексијата, пишува „Дејли стар“.
„Не беше нормално што мислев дека ќе се здебелам ако изедам коцка чоколадо, но тој ден сфатив дека јадењето не е толку страшно колку што си замислував“.
Ени од Дербишир открива дека не можела да биде во просторија со храна и таа само сакала да биде сè помала и помала. Денес, кога ги гледа овие фотографии, ѝ изгледаат страшно.
Нарушувањето ѝ беше дијагностицирано во 2012 година, а поради тежината, ја исмеваа на училиште. Таа вели дека закрепнувањето воопшто не било лесно, но се труди да живее нормално.
Во октомври 2017 година таа се натера себеси да се бори со своето растројство, почна да вежба и здраво да се храни. Жали што не побарала помош порано бидејќи изгубила многу можности – како што се студирање или патување.
Училиштето го завршила со одличен успех, но враќањето во образованието денес ѝ се чини многу тешко.
„Сега се чувствувам подобро, но тоа е нешто што сè уште влијае на мене ментално“, вели таа.
„Имам момче и нови пријатели, кои ми помогнаа, па не сум осамена како што бев“.
