Проблемите со ерекцијата (еректилна дисфункција) денес не се невообичаени. Со тек на годините се јавуваат сè почесто, но понекогаш и помладите мажи можат да имаат проблеми во креветот, што поради стрес, што поради современото темпо и нездрав начин на живот.
Еве како да го избегнете кошмарот на секој маж, а тоа да не подразбира пиење на мала сина пилула. Medical Daily ни изнесува совети на експерти од американскиот Институт за урологија.
Одржувајте здрава телесна тежина.
Во дури 30 проценти од случаите на еретилна дисфункција, само 10% од телесната тежина го решава проблемот.
Вежбајте барем половина час дневно.
Ако не ви се вежба, барем пешачете. Кога вежбате, сè работи подобро, па дури и – пенисот.
Немојте да дозволите сексот да стане рутина.
Мажите после некое време почнуваат послабо да реагираат на сексуалните поттици на кои навикнале. Значи, за да немате проблеми – активирајте ја имагинацијата.
Обезбедете си себе си малку приватност.
Ако децата или родителите ви се врткаат околу куќата, а вие се обидувате да уживате во сексот, не можете да очекувате чуда во креветот.
Внимавајте што јадете.
Научните студии докажале дека медитеранската исхрана прави чуда.
Опуштете се.
Ако цело време размислувате за тоа дека „мора“ да издржите што подолго и дека „морате да ја доведете партнерката до оргазам“, ништо не правите. Само може да добиете контраефект и да ја изгубите ерекцијата. Затоа, опуштете се и уживајте во моментот, а другото само ќе си дојде.
Одвојте време за секс.
Ако се брзате, тешко дека ќе го постигнете соодветното расположение. Имајте во предвид дека не морате ама баш ништо во животот, па ниту да имате врвен секс секој пат. Ако сте под притисок, на пример ако се обидувате да направите бебе, може да се случи да имате проблем со ерекцијата поради стресот.
Немојте да пиете алкохол.
Ако не можете да се откажете од алкохолот, ќе мора да се откажете од ставот „секогаш можам“. Толку е едноставно – си одбирате приоритети.
