Дали имате лош мирис во вашата уста? Дали се чувствувате непријатно пред вашиот партнер/ка и пред вашите колеги? Одговор – Халитоза!
Што е халитоза
Халитоза повеќето од нас го знаеме едноставно како “лош здив.” Иако тоа е релативно мал здравствен проблем, лошиот здив може да биде вознемирувачки.Тоа не е ни чудно што ние трошиме многу средства секоја година на разни препарати да го освежиме нашиот здив со различни спрејови, пасти за заби, антисептични средства и забни конци.
Причини за халитоза
Најчеста причина за лош здив е храната што се јаде. Лук, кромид, некои видови на риба, и диети богати со масти и месо сите може да резултираат со халитоза. Кога оваа храна се вари, испарливите супстанции или хемикалии се апсорбираат во крвотокот од каде доаѓаат до белите дробови каде што тие се издишуваат преку вашиот здив.Исто така недостаток на храна, глад, пост и нискокалорична диета,може да предизвика “лош здив.”
Во текот на спиењето протокот на плунка е намален и настанува распаѓање на остатоците од храна во устата при што предизвикува лош здив во утринските часови.
Халитоза исто така е предизвикани од:
– расипани заби
– пушењето
– алкохол
– протези
– парадонтални болести кои предизвикуваат забите да станат лабави, а со тоа овозможуваат создавање на џебови каде што се колонизираат бактерии и доведуваат до лош здив
– хронични белодробни или синус инфекции
– дишење преку уста поради зголемени крајници
– инфекции во устата како што кандидијаза
– системски заболувања,дијабетес, заболување на црниот дроб, бубрезите
– бременост
– не редовно четкање и чистење со забен конец
– консумирање на одредени лекови, исто така, може да предизвика лош здив, особено оние кои го намалуваат протокот на плунка и доведуваат до сушење на устата (на пример, некои антидепресиви, антипсихотици, антихистаминици и лекови за намалување на висок крвен притисок).
Симптоми и компликации на халитоза
Незгодната причина на халитоза е дека многу луѓе не се свесни дека тие ја имаат. Тоа е затоа што клетките во носот кои се одговорни за сетилото за мирис, всушност нереагираат на континуиран прилив на лош мирис. Ако имате лош здив може да ги забележите негативните реакции на другите луѓе и да му го кажете тоа на вашиот стоматолог за да ги отсраните
проблемите.
Дијагностицирање халитоза
Лесно е да се само-дијагностицира лош здив. Може да ја лижнете вашата дланка и за неколку секунди кога ке се исуши да помирисате или земете празна чаша издишете во неа и потоа помирисајте. Ако ви треба второ мислење консултирајте се со вашиот стоматолог.
Производителите на бонбони и мастики направија индустрија од желбата на јавноста за свеж здив.Овие производи можат да го направат вашиот здив сладок и “со ментол свежина.” Сепак, тие се само привремено корисни во освежување на здивот. Всушност, многу често содржат шеќер и алкохол, што може да доведе до расипување на забите и може да ја влоши ситуацијата во одредени услови.
Соодветна грижа на устата и забите и редовни посети на стоматолог се важни, и се најефикасен начин за контрола на лошиот здив.Редовно четкање на забите,испирање на устата, стружење на јазикот и користење на забни конци може да помогне да се спречи проблемот.
Понекогаш, халитоза може да биде предизвикана од страна на болести како што се болест на белите дробови, оштетување на желудникот, црниот дроб, или откажување на бубрезите.
Еве неколку совети за да се ослободиме од лош здив:
– миење на забите 3 пати на ден и чистење со конец еднаш дневно
– исчистете го вашиот јазик пред спиење со стружење
– да се спречи гладот со редовно јадење и прескокнување на оброци
– обратете се кај вашиот стоматолог да ви даде совети за одржување правилна нега на вашите непца и заби
– чувајте го вашиот нос и синуси чисти
– стимулирајте плунка во текот на денот со кисели плодови како што се портокали лимони и јаболка
– јадете повеќе влакнеста храна.
– џвакање влакнест зеленчук како што е магдонос да се стимулира проток на плунка
– пијте барем 8 чаши вода дневно за да ја одржите устата влажна –
– намалено концумирање на алкохол и кафе
– прашајте го вашиот лекар или фармацевт дали вашите лекови предизвикува проблеми на сува уста кои може да доведат до лош здив.
Автор: д-р Марио Илковски
