Ерик Финмен има само 19 години, а своите милиони ги заработил благодарение на крипто-валути, откако баба му дала 1.245 долари за да инвестира во нив.

Во моментов тој има околу 1,5 милиони долари во биткоини, но исто така и прилично остра порака за сите нас.

„Ако не станете милионери во текот на следните 10 години, сами сте се виновни“, вели овој тинејџер.

Финмен го дал коментарот за време на неодамнешно интервју. На прашањето дали е можно секој да го копира неговиот извонреден успех, тој одговорил:

„Ако се паметни со инвестирање во крипто-валути, во следните 10 години многу луѓе можат да се стекнат со поголемо богатство отколку што тоа беше случај порано. Ова поле и натаму е мало, не сакам луѓето погрешно да ме сфатат, таму сепак циркулираат големи суми, но доколку се споредува со другите категории на имот, сумата е релативно мала. Затоа велам, ако не станете милионери во следните 10 години, сами сте си виновни“, смета Финмен.

На ова поле постојано се јавуваат нови бизнис-модели и иновации, а со тоа и можности за нови инвестиции. Ова е сосема нов тип на златна треска, но навистина нуди многу можности за збогатување на луѓето, додава тој.

Значи, советот на Финмен е прилично едноставен – земете ги сите пари што можете да ги соберете и вложете ги во крипто-валути. Се разбира, на многумина ова им изгледа како глупав совет, но имајте на ум дека Финмен е само тинејџер, а тие често не знаат кога треба да се запре со зборување.

Сепак, ваквата инвестиција може да биде опасна, бидејќи во суштина се купува нешто што наликува на парите во играта „монопол“ – барем засега.