Брисел треба да заземе појасен став во однос на Турција, која се повеќе се дистанцира од Европската унија, изјави шефот на австриската дипломатија, Себастијан Курц во интервју за германскиот весник „Велт ам зонтаг“.
„Мојата прогноза дека Турција ќе се оддалечува од Европа се сотвари, посочи Курц, додавајќи дека ќе продолжи да се залага за прекин на преговорите за членство на Турција во ЕУ.
Тој наведе дека наместо да ѝ се предлага членство на Турција во ЕУ, Брисел треба да заземе појасен став кон Анкара и да се стреми единствено кон нормална соработка со неа. Курц исто така ги осуди масовните апсења и откази во Турција по минатогодишниот неуспешен воен удар.