Сања Чајиќ, сопруга на српскиот пејач и композитор Мирко Чајиќ, загина во тешка сообраќајна несреќа што се случила на обиколницата кај Орловача.
Веста за нејзината смрт предизвика голема тага меѓу семејството, пријателите и соработниците. Покрај тоа што беше животна сопатничка на Мирко Чајиќ, Сања активно учествувала и во неговата работа, ангажирана во фирмата која се занимава со заштита на авторските права на композитори и пејачи.
По трагедијата, бројни пријатели и познаници се простуваат од неа преку социјалните мрежи, испраќајќи пораки на сочувство и поддршка до нејзиното семејство.
„Замина прерано, оставајќи зад себе тага, празнина и болка за која не постојат зборови на утеха“, стои во една од објавените пораки.
До Мирко Чајиќ и неговото семејство се упатуваат бројни изрази на сочувство, со желби да најдат сила да ја пребродат големата загуба.
Извор: Informa.mk
- 01
- 02
- 03
- 04
- 05
