Се започна така што еден ден во куќата се појави жена која тврдеше дека и треба бебиситерка за две деца во Виена. Татко ми не сакаше да му пушти да одам, му беше сомнително, но мама беше упорна. Веруваше дека тоа е добра прилика за мене, а јас и верував, раскажува несреќата девојка која заминала странство само за да чува деца, но таа завршила во бордел.
После долгото убедување, добила дозвола од нејзиниот татко, пшоготово кога им било понудено 1000 евра однапред. Катерина била пресреќна не знаејќи од тој момент почнува пеколот за неа.
– Не стигнавме ни до Виена. Жената која ме врбуваше ме однесе до некоја кафана на авто -пат каде ја чекаше некој маж. Ме измерка и,и рече дека добро сработила, дека ќе бидам добра за шипка. Во тој момент сфатив што ми се случува, вели Катерина.
Ноќите ги минувала на шипка, а после тоа доаѓало она најлошото. На почетокот ги одбивала мажите кои ја поканувале во соба, па ти се жалеле за нејзиното однесување.
– Ме даваа на муштерии кои со мене правеа што сакаа, но кога се обидував да се бранам, доаѓаше човекл кој ме држеше затворена и ме тепаше, често и ме силуваше, за да ми покаже дека немам избор, раскажува несреќната девојка.
Молчела и не се обидела да побегне бидејќи и се заканувале дека ќе и го убијат семејството. Далеку од нив, не знаејќи ни каде точно се наоѓа, деновите ги поминувала заклучена во соба чекајќи раните да зараснат, но тоа не се случувало бидејќи злоставувањето било секојдневно.
– Се плашев, но кога после едно од многубројните силувања ме истепаа толку што не можев да станам, знаев дека морам да бегам. Имав среќа прв пат после толку време додека никој немаше во кафаната истрчав и почнав да бегам н из шумата, иако се ме болеше, се присетува.
Во полиција да оди и требало многу храброст за да раскаже што се преживеала.
– Сфатив после толку време дека морам да кажам бидејќи ако молчам, некоја друга девојка ќе заврши како мене, вели храбрата девојка.