Македонија утре (27 јули) ќе биде под влијание на нестабилни временски услови, а метеоролозите предупредуваат на засилен ветер кој на одредени места може да достигне брзина поголема од 60 километри на час, пишува direkten.mk.
Според најавите, во текот на денот ќе дува умерен до повремено силен ветер, особено во западните, и североисточните делови. На поединечни локации се очекуваат удари кои ќе надминат 60 km/h.
Покрај силниот ветер, во попладневните часови локално ќе има услови за развој на нестабилна облачност проследена со пороен дожд, грмежи и краткотрајно невреме.
Надлежните препорачуваат граѓаните да бидат внимателни, да не ги паркираат возилата под дрвја, да ги обезбедат предметите на балконите и терасите и редовно да ги следат најновите временски информации.
Доколку планирате активности на отворено, добро е навреме да ја проверите временската прогноза, бидејќи временските услови во текот на денот може брзо да се променат.
