Пред катастрофа, како што е земјотресот во Турција и Сирија, кој досега однесе животи на повеќе од 40.000 луѓе, природата дава свои знаци.
Но, тие не секогаш се читаат правилно – „никој не знаеше што следува“, предупредуваат корисниците на социјалните мрежи.
Во клип на интернет, за кој се вели дека е од ноќта пред разорниот земјотрес во Турција, е забележано крајно чудно однесување на птиците во воздухот.
На снимката се гледа дека птиците летаат ваму-таму, како збунети и без јасен правец, испуштајќи заканувачки, шкрипечки звуци. Дополнително, на видеото се гледа дека сите останати се качиле што е можно повисоко на гранките на дрвјата во околината и на тој начин им ги поцрниле круните.
Во овој случај, сепак, ова не е единствениот сигнал испратен од природата пред силниот земјотрес. Во други делови на Турција, корисниците снимија непрестајна молња која продолжи во текот на ноќта.
Тие споделуваат дека сликата во живо била доста застрашувачка. Но, дали тогаш некој помислил дека следното утро може да се очекува катастрофа од оваа големина?
