Австралијанец од Нов Јужен Велс станал милионер откако чистејќи го својот автомобил пронашол лото тикет, стар една година, пренесува Би-Би-Си.
Старецот кој сакал да остане анонимен, заборавил дека купил ливче уште во јануари минатата година. Кога ги проверил броевите на интернет, сфатил дека освоил повеќе од милион долари (980.000 евра).
-Среќен сум што не ја земав старата торба од автомобилот и не ја фрлив во отпад. Малку е глупаво што заборавив на своето лото ливче и можев овие пари да ги имам одамна, но нема врска, ги имам сега – рекол старецот.
Тој парите ќе ги вложи во куќа за своите деца и образование на своите внуци. Сопственичката на киоскот од кој минатата година тој го купил лото ливчето, Черил Такермен, рекла дека ѝ олеснило, бидејќи секојдневно доаѓале многу луѓе да прашаат дали победникот е пронајден.
