Спанаќот е здрава и вкусна храна која треба да се конзумира барем еднаш неделно за да го заштитите организмот од разни заболувања и да си го зајакнете имунитетот. Ние ви нудиме вкусен рецепт за денешниот ручек – мусака од спанаќ!
Производи:
-500 г мелено месо,
-500 г спанаќ,
-2 јајца,
-3 лажици растително масло,
-1 врска свеж кромид,
црвен пипер, магдонос, сол.
За прелевање – 2 јајца, малку брашно, 150 г јогурт.
Подготовка: Кромидот пржете го малку во маслото. Откако ќе омекне, се додава меленото месо и повторно пржете малку. Зачинете со црвен пипер и сол. Спанаќот се задушува во малку вода и штом ќе поомекне, се остава да се исцеди. Готовиот спанаќ се сецка и се меша со две тврдо варени јајца, растително масло и ситно сецкан магдонос. Сето се меша и се зачинува со црвен пипер и сол. Во намачкана со масло тава на наизменични слоеви се редат меленото месо и смесата од спанаќ. Се прелева со 1/2 чаша топла вода и се пече во умерено загреана рерна. Кога ке видите дека веќе е готово прелејте со смесата од јајца, брашно и јогурт и печете уште десетина минути. Добар апетит.
