Сакам маж кој носи костуми. Вечерва сакам да вечерам со него во убав ресторан. Сакам да си го облечам омилениот фустан и да ги носам најубавите чевли. Сакам да пијам вино – црвено, суво и да слушам џез. Може и без последното. Така станав материјалистка.
Ми ја ставија оваа етикета пред неколку дена. Јас гордо ја “залепив на својата нова ташна Prada и решив да се прошетам низ улиците на градот. И почнав да ги барам другите како мене – материјалистки со афинитет кон модата и убавото вино.
Постојат многу како мене, верувајте ми! Затоа јас ке Ви објаснам што значи да си материјалист во денешно време?
Не мешајте го материјализмот со добриот вкус. Добриот вкус се воспоставува со години. Тој доаѓа како резултат на личниот развој и е составен дел од твоите животни цели. Добриот вкус покажува специфичен однос кон “Јас” , кон светот, кон начинот на живот. Материјализам е да сакаш да имаш златен прибор, скапа облека, силиконски гради и многу богатство. Добар вкус е да знаеш како да го употребуваш приборот, дури и да не е твој, да знаеш како да изгледаш добро во облеката која може и да не е најскапа, како и да знаеш дека убавината доаѓа прво одвнатре.
Не мешајте го материјализмот со мотивацијата за развој. За една жена која навлегла во академската средина, завршила високото образование со јасна идеја за она што и служи тоа, мотивацијата е прашање на карактер. За мене таа е сè – љубов кон книгите, почит кон сопствените избори, чекор кон остварување на своите соништа.Мотивацијата да ги реализираш своите цели не е материјализам. Тоа е верба во себе и многу непроспиени ноќи. Материјализам е да одиш во Универзитетот со намера да си најдеш богат маж. Мотивација е да одиш таму, за да откриеш нови перспективи.
Не мешајте го материјализмот со изборот на соодветен партнер. Маж со убав автомобил, многу пари, брендирана облека – јас, како материалистка, го барам тоа. Зошто ме обвинувате? Јас сакам и маж со кого можам да зборувам за историја, на пример, мотивиран маж, маж, кој знае дека може многу повеќе, зашто и јас можам повеќе. Сакам маж кој ќе може да ги мотивира децата покажувајки им што е добар вкус и ќе ги научи да си го изградат карактерот. Да, овие мажи имаат пари, имаат скапи автомобили, носат костими со ракави, бидејќи, на крајот, тоа си го побарале од животот. Во името на добриот “генетски” код кој сакате да се пренесе на вашите деца, јас го избирам овој маж.
Не мешајте го материјализмот со добрите манири. Воспитувањето, манирите, однесувањето – тие се толку важни за мене, колку што е важно да се смеам секој ден. Да имаш култура на однесување ниту е смешно, ниту е прв чекор кон постигнување на материјалната корист. Да држиш чаша сомнителен алкохол во некоја дискотека, полугола, во очекување на принцот на бел коњ – тоа е материјализам. Да пиеш чаша шампањ, без да се претвораш дека си дел од масата, е прашање на добар манир.
Не мешајте го материјализмот со желба за патување. Постојат два типа жени – такви кои патуваат и сите останати. Јас сум од првите. За најдобриот одмор или една авантура ја давам сета моја емоција. И сметам дека светот е мал. Патувам, бидејќи така сум среќна. И ако мажот од погорните редови сака да патува, ќе си ја поделиме емоцијата и верувајте ми – има жени кои патуваат со сопствени средства, бидејќи работат и затоа материјалната страна на едно патување е прашање на добр0 финансиско планирањe, а не на човек кој ке го плати сето тоа.
Не мешајте го материјализмот со љубовта кон чевлите. Од љубовта кон себе, не се срамам да си признавам дека повеке ги сакам чевлите! Може да звучи себично, но – си ги купувам сама. Инаку, да, знам – материјализам е кога синдромот на Пепелашка се развие толку силно што почнуваме да си бараме зависности односно – некој друг да ни купува чевли. Извинете, но вкусот на една материјална девојка е премногу висок за да си дозволи некој друг да и ги избира чевлите или чантите. Затоа на мојата етикета со натпис “материалистка”, јас со задоволство си ставив наводници. А на фалсификуваните чанти Prada за утеха им останува натписот “Верно со оригиналот” и еден расипан затворач со кои вистинските материјалистки всушност одат на лов за мажи.
