Многу хрвати заминаа за странство по потрага за подобри услови за живот, па така еден од нив е и хрватскиот новинар Слободан Муфич.
Тој го сподели искуството на неговата ќерка во шведскиот образовен систем, пишува индекс.хр
Средината на Август, пријатно лето во Шведска. Ние сме ние, а тој е директорот на основното училиште Лунден, на 200 метри од нашиот стан, пишува Муфич во уводот кон неговиот разговор со директорот.
Ние: Неодамна се доселивме во Шведска и имаме 11 годишна ќерка која сакаме да ја запишеме на училиште.
Тој: Добро, пополнете го овој формулар, потребна ни е основна информација за вашата ќерка.
Ние: Но знаете ли, таа незнае шведски јазик.
Тој: Добро, ќе научи.
Ние: Можеби треба да учи во некоја посебна програма?
Тој: Има таква возможност, но ние сметаме, најдобар и најбрз начин да го научи јазикот е да во клас со останатите деца. Всушност, една учителка по шведски јазик ќе работи по два часа дневно само со неа.
Ние: Што е потребно таа да земе за почеток на училиште?
Тој: Ништо. Учебници, тетратки, моливи,пенкала, гуми, острилки, линијари, триаголници, боички… се ќе добие тука. Треба само да внимава да не и падне батеријата на iPad (таблет на Ејпл).
Ние: Значи треба да купиме iPad?
Тој: О, не, iPad ќе го добие во училиштето, за полесно да се справува со преводот и учењето, но треба да внимава на батеријата.
Ние: Има ли потреба да приготвуваме храна за детето за училиште?
Тој: Нема потреба, појадокот е од 7:30 а ручекот е во 12 часот. Секој ден имаме по две менита за храна, едно месно и едно вегетаријанско.
Ние: Сметате ли дека има потреба да зборуваме со нашата ќерка на шведски дома?
Тој: Во никаков случај. Дома зборувајте си на хрватски. И не само тоа, би било добро еднаш неделно да учи хрватски јазик.
Ние: Добро, но има ли некој кој предава хрватски јазик?
Тој: Во нашето училиште нема, но дополнително изучување на хрватскиот јазик има секој четврток во 16 часот во Ериксдалсколан.
Ние: Но, тоа е во другиот дел на градот..
Тој: Нема проблем, училиштето ќе обезбеди возило секој четврток да ја носи на часови и да ја враќа дома веднаш после часот.
И така Леона секој четврток одеше со посебно возило на часови по хрватски. Се чувствуваше особено важна кога за неа доаѓаше млада шоферка на лимузина со затемнети прозорци. И се разбира, сето тоа за сметка на љубезните и добродушни граѓани кои праќаат данок, пишува Муфич.
Во прилог неговиот статус на фејбук:
Sredina prošlog kolovoza, ugodno ljeto u Švedskoj. Mi smo Mi, a On je ravnatelj osnovne škole Lunden, udaljene 200…
Posted by Slobodan Mufić on Tuesday, August 29, 2017