6 C
Skopje
петок, март 29, 2024
More

    ПОСЛЕДНИ ОБЈАВИ

    Кратки, но значајни совети: Како да возиме на замрзнати и лизгави улици?!

    Голомразиците и снежните покривки се најголемиот предизвик за возачите, но со овие кратки и значајни совети се овозможува побезбедно возење…

    Доаѓаме во период од годината кога температурите од ден во ден се спуштаат се повеќе под нулата, а немора да објаснуваме што се случува кога температурата оди под 0 степени.. Да доаѓа до мрзнење, па тоа значи и дека нашите улици започнуваат да замрзнуваат, да се појавуваат поледици/голомразици или уште било кој друг термин се користи, важно мислиме на оној прилично незгоден тенок слој на мраз кој е речиси и неприметлив за возачите, а предизвикува огромни проблеми во нормалното движење.

    Всушност токму оваа појава е една од најголемите причини за сообраќајните несреќи во овој период од годината, а тоа се случува поради тоа што во овие услови е потребен сосема поинаков стил на возење.. И покрај тоа што ќе го опремите вашиот автомобил со зимска “облека” сепак на мраз мораме да бидеме особено внимателни, бидејќи ниту зимската опрема неможе да го спречи неконтролираното лизгање кое го предизвикува голомразицата. Затоа и ја создадовме оваа листа со кратки совети кои доколку се практикуваат веруваме дека ќе ви помогнат за да го поминете денот безбедно и без штети..

    roads-28-12-2014-620x3871. Прилагодете ја брзината – Овој совет би требало да го практикувате во речиси сите лоши временски услови, односно и во услови со врнежи од дожд, снежни покривки па дури и на магла. Во конкретниот пример кога имаме мраз, со прилагодување на брзината значително се намалува ризикот за неконтролирање на возилото. Да не се исклучува целосно ризикот за пролизгување, но има огромна разлика помеѓу пролизгување со мала брзина и поголема. Со намалена брзина штетите ќе бидат помали(доколку се дојде до судар) и имате повеќе време за реакција, затоа во услови на голомразица препорачуваме да ја намалите брзината до 30км/ч.

    2. Возете нежно – Замислете дека возите идентично исто како и кога штедите гориво, што значи тоа?! – Потребни се нежни потези со управувачот и секако најбитното нежно управување со педалите. Обидете се што е можно помалку да ја користите педалата за кочење, дури и кога морате да ја употребите аплицирајте нежно и степен по степен, исто така важно е да се напомене дека не треба да паничите, дури и во оние моменти кога ви е потребно нагло да застанаете не ги притискајте кочниците нагло – може да пролизгате повеќе и да забрза повеќе одколку брзината која сте ја имале на движење во моментот пред кочење.

    slippery-roadШто се однесува до најбитниот детал, педалата за гас потребно е да имате константна брзина без нагли додавања на гас, што помалку гас помала брзина тоа подобро. Затоа е и важно да го задржите автомобилот во што е можно пониска брзина – не само на движење туку и на степен на менувачот. На овој начин дозволувате самиот автомобил да прави моторно кочење што е многу побезбедно, но тоа не значи да возите со првата брзина, препорачуваме да се задржите во втората брзина бидејќи со овој степен автомобилот прави најдобро моторно кочење и на додавање нежно на педалата за гас не пролизгуваат гумите.

    Skidding of car3. Испланирајте ги вашите потези навреме – Нежното возење со прилагодена брзина секогаш оди во пакет заедно со навремено испланираните потези. Имајќи во предвид дека должината на застанување на вакви лизгави и замрзнати улици е драстично подолго, потребно е на време да испланирате кога треба да закочите и колкаво растојание да одржувате со автомобилот пред вас. Но познавајќи го пак овој факт исто така треба навремено да ги известите останатите учесници во сообраќајот доколку се престојувате во друга лента, бидејќи ако на вас ви е потребна подолга дистанца на запирање не заборавајте дека ова важи и за останатите, па доколку не ги известите навреме за вашите потези тогаш многу лесно може да дојде до судар…

    Што се однесува до вашата рута на возење, препорачуваме секогаш да ги користите главните булевари, бидејќи во вакви услови токму тие ќе бидат најпрво исчистени и средени, а тек потоа споредните улички (ова најмногу важи во услови на врнежи од снег).

    maxresdefault4. Исконтролирајте ја несаканата ситуација – Ако вашиот автомобил започнува да пролизгува заборавете на паниката. Во овој случај треба да реагирате брзо и точно. Како решение за случајот се наоѓаат повеќе можности, односно во зависност од тоа во каква позиција сте и на каков предел лизгате, единствено нешто што им е заедничко е тоа што во никој случај не треба да ја притискате нагло педалата за кочење.

    – Поточно во услови кога задниот дел од автомобилот пролизгува неконтролирано секогаш треба да го контролирате автомобилот само преку управувачот, односно вртете во насоката кон која пролизгува задниот дел. На овој начин вашиот автомобил секогаш ќе искочи право и ќе имате можност да гледате кон која насока се движите.

    – Во услови доколку целиот автомобилот пролизгува, а не само задниот дел, потребно е да го притиснете кумплугот, свртете го воланот во спротивната насока од која лизгате и во никој случај не ги притискајте кочниците бидејќи ќе се блокираат тркала и на тој начин нема да добиете тракција туку дополнително пролизгување.

    magla-avtopat1-520x2925. Не бидете самобендисани – На крај доаѓаме до оние кои сметаат дека се најдобри возачи само поради тоа што досега ништо не им се случило или пак бидејќи возат автомобили кои се опремени со системи за вакви услови како и со погон на сите четири тркала, а поради тие причини не треба да ги почитуваат правилата ниту пак да бидат културни во однос на останатите учесници. Но ќе мораме да ги разочараме, дури и да не ви се случило, дури и да возите автомобили со еден тон безбедносни системи – лизгавите улици се непредвидливи, а не постои автомобил кој е отпорен на овие времиња. Неконтролираната брзина, некултруниот начин на возење само поради тоа што не сме свесни за реалната слика се двојно поризични од било која лизгава улица!

    Извор: rpm.mk

    Latest Posts

    АКТУЕЛНО

    Stay in touch

    To be updated with all the latest news, offers and special announcements.