Сите знаеме како изгледа кога врата од авионот ќе се отвори во некој филм, но какви се последиците доколку вакво нешто навистина се случи во реалноста? Со ова прашање се позанимавал тимот кој стои зад јутјуб-каналот AsapScience.

Иако тие забележуваат дека шансата да случи вакво нешто е исклучително мала, сепак, при таква ситуација многу малку е веројатно дека некој од авионот ќе успее да преживее.

Меѓутоа, набрзо следело и образложение зошто ова е речиси невозможно да се случи:

„Разликата во притисокот го оневозможува отворањето на вратата, барем кога станува збор за човечка сила“, изјавил Патрик Смит, пилот и автор на книгата Cockpit Confidential, за британски „Телеграф“.

„Покрај тоа, вратите се дополнително обезбедени со механички и електронски брави, така што би требало хидрауличен кран за да се отворат, а безбедносните контроли не дозволуваат внесување на таква машинерија во авионот“, заклучил тој.