6 C
Skopje
сабота, март 2, 2024
More

    ПОСЛЕДНИ ОБЈАВИ

    Цедевита подели откази пред гостувањето кај МЗТ

    МЗТ на Цедевита, во третото коло од Еврокупот, ќе и се спротивстави без тројца носители на играта (Клоф, Дреновац, Симоновски), но во ништо подобра положба пред гостувањето во Скопје не е ниту тимот од Загреб. Пред доаѓањето во Скопје, Цедевита реши да се раздели од тројца кошаркари.

    cedevit-mzt

    Цедевита, во новата сезона, влезе како еден од главните фаворити за пласман на завршниот турнир во АБА лигата, а амбициите во Еврокупот беа што подобар пласман, но по нешто повеќе од еден месец хрватскиот шампион е далеку од остварување на зацртаното.

    Цедевита има три порази во шестте одиграни натпревари во АБА лигата и два порази во исто толку одиграни натпревари во Еврокупот.

    Поради лошите резултати раководството на клубот, непосредно пред гостувањето во Скопје против МЗТ, реши да се раздели со тројца играчи. Играчите кои пристигнаа како големи засилувања, а не ги оправдаа очекувањата, први добија отказ, станува збор за Скоти Хопсон, Дејвид Стоктон (син на легендарниот Џон Стоктон) и Дује Дукан (син на поранешниот играч на Југопластика и скаут на Чикаго Булс за Европа, Ивица Дукан).

    „Мораме да менуваме нешто. Не се само тие тројца виновни, туку е виновен целиот тим на чело со мене“, рекол тренерот Вељко Мришиќ.

    Инаку, клубот на Стоктон и Дукан им дозволил да тренираат со вториот тим додека не пронајдат нови ангажмани.

    „Со ова ја отвораме можноста да донесеме нови играчи кои нема негативно да не изненадат како овие тројца. Признаваме дека лошо селектиравме, ја признаваме грешката, мораме нешто конкретно да направиме“, рекол за Вечерњи лист претседателот на клубот Младен Вебер.

    Дуелот помеѓу МЗТ и Цедевита, во рамките на третото коло во Еврокупот, вечерва ќе започне во 19 часот.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.