Премиерот на Косово, Рамуш Харадинај соопшти дека ги потврдил позициите на Приштина за време на средбата со комесарот за проширување и добрососедска политика на Европската Унија, Јоханес Хан.
„На состанокот со Јоханес Хан повторно нагласив дека позицијата на Косово е непоколеблива кон интеграциите во Европската Унија. Забележавме прогрес во тој правец и по исполнувањето на критериумите за либерализација очекуваме да ни се признае правото на слободно движење“, напиша Харадинај на „Фејсбук“.
Хан денеска престојуваше во Приштина, но не беа објавени темите на кои ќе се заснова средбата со Харадинај.
