Ѕвездите од серијата „Игра на тронови“, Кит Харингтон и Роуз Лесли се венчаа во Абердиншир, североисточна Шкотска.
Венчавката беше во црквата Рејн, во близина на 900 години стариот замок Вордхил, кој е во сопственост на семејството Лесли.
Свадбата не ја пропуштија ниту колегите од познатата серија.
Па така меѓу гостите можеа да се забележат актерите Питер Динклиџ, Мејси Вилијамс, Софи Тарнер и Емилија Кларк.
Харингтон (31) и Лесли (31) се запознаа во 2012 година на снимање на серијата „Игра на тронови“, каде ја играа двојката Џон Сноу и Игрит. Лесли две години подоцна замина од серијата и сега игра во американската драма „The Good Fight“.
