Во Хрватска не престанува бурата што ја предизвика објавената фотомонтажа на хрватскиот министер за земјоделство и потпретседател на Владата, Томислав Толушиќ, со проститутка, подготвени да консумираат дрога.
Политичкиот неделник „Национал” објави фотографии и една статија под наслов „Проститутка и кокаин во врвна монтажа за компромитација на Томислав Толушиќ”, со цел, како што се наведува, политички да се уништи потпретседателот на Владата и министер за земјоделство, Томислав Толушиќ, и да се предизвика криза во владата.
“Poprilično sam siguran tko bi mogao stajati iza svega”, kazao je Tolušić. https://t.co/WsqMmfibW2
— Index.hr (@indexhr) January 22, 2019
Толушиќ веднаш изјави дека се работи за фотомонтажа и рече дека не носи чевли какви што човекот на наводно монтираната фотографија.
Во меѓувреме, во одбрана на Толушиќ се јави Владата, како и хрватската претседателка, а во случајот се вклучија и СОА, канцеларијата на УСКОК и Државното правобранителство.
Разузнавачката агенција откри дека тоа е висококвалитетна софистицирана монтажа. Со анализа на фотографијата, агентите открија дека објектот на фотографијата е апартман во Србија. Фотографиите од апартманот се достапни и на еден сајт за букирање.
Главниот и одговорен уредник на „Национал“, Берислав Јелиниќ, изјави вчера во ХРТ дека ги објавиле овие фотографии бидејќи постоел „голем јавен интерес”.
