6 C
Skopje
сабота, мај 18, 2024
More

    ПОСЛЕДНИ ОБЈАВИ

    Унгарија на оглас бара 3.000 „гранични ловци“ на мигранти

    Унгарската полиција објави оглас во кој бара три илјади „гранични ловци“ коишто ќе послужат како засилување на десетте илјади полицајци и војници кои веќе патролираат по должина на 175 километри бодликавата ограда подигната по должина на границата, што го оневозможува илегалното влегување на имигрантите во Унгарија.

    imigranti

    Новите чувари на границата, како и сега полицајците, ќе носат пиштоли со боева муниција, како и лут спреј, палки, „лисици“ и заштитна опрема. Со работа ќе започнат во мај следната година по шестмесечната обука.

    Според прилогот на BBC за оваа унгарска активност, се наведува дека бројот на мигрантите кои стигнуваат на јужната унгарска граница кон Србија стагнирал на помалку од 200 лица дневно. Унгарските власти во моментов во земјата низ „транзитните зони“ дневно пропуштаа по само 30 имигранти.

    Еден од условите за добивање работа како „граничен ловец“ е да се има наполнети осумнаесет години, физичка подготвеност и да се мине психолошкиот тест, изјавил за унгарската државна телевизија полицискиот функционер Золт Пожгаи.

    Унгарија води масовна промотивна кампања која ја покрена десничарската влада на премиерот Виктор Орбан пред одржување на референдумот на 2-ри октомври. Избирачите се повикани да се спротистават на предлогот на Европската комисија за преселување на 160.000 бегалци во сите 27 земји членки на Европската унија, според принципот на квоти

    Latest Posts

    АКТУЕЛНО

    Stay in touch

    To be updated with all the latest news, offers and special announcements.