Државјанка на Босна и Херцеговина се сомничи дека на 38-годишен маж од Загреб му зела 5.000 евра за да го излекува од уроци.
Хрватскиот портал „Јутарњи“ наведува дека таа на 28 февруари му пришла на мажот и го уверила дека врз него се фрлени уроци, при што му понудила помош со лековита вода.
„Оттогаш до 5 март осомничената постојано барала дополнителни средства, па оштетениот во три наврати ѝ предал вкупно 5.000 евра“, истакна полицијата.
Жената по истрагата била приведена и одредена ѝ е мерка притвор.
