Oд прогласувањето на епидемијата на морбили до денес вакцинирани се 2.925 деца, а само денеска до 13 часот вакцинирани се 181 дете, соопшти Министерството за здравство.
Оттаму информираат дека во текот на викендот вакциналните пунктови ќе работат од 7.30 до 13 часот, а од понеделник пунктовите ќе продолжат да работат во две смени, од 7.30 до 19 часот.
На Универзитетската клиника за инфективни болести и фебрилни состојби хоспитализирани се тројца пациенти со јасна клиничка слика на морбили. Станува збор за двајца возрасни пациенти од населбите Карпош и Чаир и едно дете од Чаир, а дополнително уште двајца пациенти со полесна клиничка слика на морбили биле амбулантски прегледани и пуштени на домашно лекување.
