Македонскиот филм „Три дена во септември“, беше прогласен за најдобар филм, актерката Камка Тоциновски за најдобра актерка, а Даријан Пејовски за најдобар режисер на Шестото издание на фестивалот на кинематографиите на Југо-источна Европа, што се одржува во Париз, Берлин и Нингбо, во организација на Универзитетот за аудиовизуелни уметности ЕСРА Скопје.
Оваа година фестивалот започна во Берлин , а во текот на четирите фестивалски дена беа прикажани 16 филма од земјите од овој регион. Проекциите се одвиваа во кино салите на Универзитетот Хумболт и Националниот музеј во Берлин.
Покрај тоа фестивалот изобилуваше и со многу придружни содржини,како симпозиуми, изложба, музички настани итн. Секоја проекција беше попратена со сесија на прашања и одговори во која учествуваа и авторите,односно амбасадорите на филмовите. Во рамките на церемонијта на отворањето на фестивалот беа доделени специјалите признанија на фестивалот кои секоја година се доделуваат на истакнати личнисти од областа на филмскиот и општествениот живот. Наградата “Europa Prima 2016” и беше доделена на поранешната амбасадорка на Германија во Македонија, Гудрун Штајнекер, додека нагрaдатата „SEE Personality 2016” му беше доделена на господинот Сиљан Мицевски, за особениот придонес во поддршката на културата.
На завршниот ден на второто по ред издание на SEEFF а Berlin 2016 беа доделени и наградите на фестивалот.
Интенационалното жири,во состав:
Проф. Д-р. Алфрун Клименс (Професор за Западно-словенска литратура и култура на Универзитетот Хумболт),
Дорка Грилус, актерка
Роланд Руст, уметнички директор на филмскиот фестивал во Котбус
Питер Ромел, филмски дистрибутер
Ердоган Аталај, актер,
ги додели следниве награди:
Најдобар актер – Емир Хаџихафисбеговиќ, „Нашиот секојдневен живот“, Босна и Херцеговина
Најдобра актерка – Кика Георгиу, „Тивко“, Грција
Најдобра режија – Снежана Трибусон, „Се најдобро“, Хрватска
Најдобар Филм – „Три дена во септемви“, Македонија
Специјална награда жирито му додели на режисерот Томас Логореци, за филмот „Бота“, Албанија
Младото интернационално жири ги додели следниве награди:
Најдобар актер – Уликс Фехмиу, „Нашиот секојдневен живот“, Босна и Херцеговина
Најдобра актерка – Камка Тоциновски, „Три дена во септемви“, Македонија
Најдобра режија – Даријан Пејовски, „Три дена во септемви“, Македонија
Најдобар Филм – „Бота“ – Албанија
Фестивалот продолжува во Париз, од 1 до 5 јуни, а потоа и во Нингбо, Кина, од 7 до 12 јуни.
