Таткото на Никола Саздовски, Тони Саздовски истакна дека е задоволен од пресудата и барем колку толку правдата на крај е задоволена, иако сето тоа нема да му го врати назад синот.
-Ниту една мајка не треба да го закопа својот син, но казната е колку што е предвидено во законот. Не можам да кажам дека сум незадоволен. Се надевам дека друг повисок суд нема да ја промени казната,- истакна Тони Саздовски.
-На родителите ќе им порачам да кажат каде е третиот осомничен кој е во бегство. Да не останат нивните деца сами во затворот. Парите кои ќе ги добие фамилијата како оштета, ќе бидат донирани во хуманитарни акции, како и во турнир кој го организираат другарите на Никола, а сите се надеваат дека истиот ќе биде традиционален.
Убијците на Саздо добија по 19 години затвор
Судот ги прогласи за виновни убијците на 20-годишниот Никола Саздовски, Бесир Беља и Скендер Демири и им изрече казна затвор од по 19 години.
Во казната ќе биде засметано и времето поминато во притвор. Исто така судот ги задолжи и сами да ги подмират судските трошоци, како и да исплатат штета за нанесување на душевна болка на родителите на Саздовски.
Судот како олеснителни околности ги зема во предвид тоа што и двајцата се неосудувани, на оваа пресуда двајцата виновни за убиството на Саздовски имаат право на жалба во рок од 15 дена.
Третиот обвинет за убиството на Саздовски е недостапен за органите на прогон.
Дваесетгодишниот Никола Саздовски, беше крвнички претепан во Автокоманда на 29 јуни минатата година. Од здобиените повреди, тој почина на 9 јули 2018 година почина на Клиниката за анестезија, реанимација и интензивно лекување – КАРИЛ во Клиничкиот центар „Мајка Тереза“.
Основното јавно обвинителство за смртта на младиот Никола Саздовски – Саздо тројцата осомничени лица ги гони за кривично дело „убиство на свиреп начин“, дело кое пред преквалификацијата се водеше како „насилство“.
