Жена од Флорида, која пред 69 години ја излажале дека нејзиното бебе починало при раѓањето, за прв пат ја запознала својата ќерка. Во 1949 година, 18-годишната Женевиев Пуринтон родила девојче во болница во Индијана, но лекарите и рекле дека таа починала.
„Им реков дека сакам да го видам бебето. Ми рекоа дека е мртва“, изјави Пуринтон, која сега има 88 години, во интервју за Фокс 13.
Меѓутоа, 69 години подоцна, на Бадник, мајката и ќерката се собраа за прв пат на крајно емотивна средба со многу солзи и прегратки.
„Го сакав ова цел живот. Се сеќавам дека имав 5 години кога побарав да ја најдам мојата вистинска мајка“, сподели девојката Пуринтон, која сега е 69-годишна жена по име Кони Мулруп. Таа долета од нејзиниот дом во Вермонт за да се сретне со нејзината мајка. Кони поминала многу години во потрага по својата вистинска мајка, а пробивот дошол кога открила дека има прва братучетка чија тетка била Женевив Перинтон.
Бев млада самохрана мајка и ми рекоа дека моето бебе починало при раѓањето“, изјавила постарата жена. Никогаш не добила потврда за смрт и никогаш повеќе не станала мајка. Минатата година ќерката на Кони Мулруп купи комплет за ДНК тест. „Никогаш не го видов мојот биолошки татко и кога растев бевме само јас и мајка ми. „Се сеќавам дека мајка ми се обидуваше да ја најде родената мајка и беше тешко да гледам низ што минува“, вели Бони, ќерката на Кони.
Комплетот за ДНК тест Бони и го подари на мајка си минатиот Божиќ – најдобриот божиќен подарок според Кони. Информациите за мајка си ги добила од братучетка и и испратила картичка со адреса и телефонски број.
На 8 септември, Мулруп добила телефонски повик кој и го променил животот. Се јавила нејзината биолошка мајка Женевив Перинтон. „Таа рече: „Каде си родена? Која година? Мислам дека може да бидам твоја мајка“, вели Кони. По неколку телефонски повици, двете одлучија дека е време да се сретнат за прв пат.
„Не си мртва“, рекла мајката. „Не сум“, одговорила ќерката додека се гушкале низ солзи. Женевив Перинтон вели дека во тоа време била вообичаена практиката на одземање на бебињата од немажените жени. Кони беше однесена во засолниште, а подоцна и посвоена од семејство од Калифорнија. Меѓутоа, нејзината посвоена мајка починала кога таа имала 5 години. Таткото повторно се оженил, но втората сопруга ја малтретирала. Затоа имала желба да ја пронајде својата вистинска мајка.
