Шпанските експерти за спасување од рудникот почнаа да се спуштаат низ вертикалниот тунел, од каде што, како што се надеваат, може да се пробијат до двегодишното момче, кое веќе 11 дена е заробено под земјата.
Шпанските спасувачи се во трка со времето и неизвесно е дали ќе успеат да го извлечат двегодишното дете кое падна во бунар во Шпанија.
Кога сите веруваа дека е направен процеп што ќе ги одведе спасувачите во тесниот и длабок бунар, каде што се верува дека е двегодишниот Јулен, медиумите јавуваат дека спасувачите наишле на нова огромна пречка. Бунарот длабок 110 метри, со широчина од 25 сантиметри, е претесен низ него да помине возрасен човек. Претпоставките се дека детето е заглавено на длабочина од 72 сантиметра, па беа пуштени и камери за да ја снимат внатрешноста на бунарот.
Спасителите на подрачјето на Малага издупчија и паралелна дупка до длабочина од 60 метри, но неопходно е да се прошири процепот за низ него да влезе возрасен човек. Тие вметнаа и метални цевки, но сега ќе мора да ги отстранат за да ја прошират дупката.
Поради опасност од урнување, не смееше да се користи експлозив. Тврдата земја го забави дупчењето, а дел од дупката рударите и рачно ќе треба да ја ископаат.
