Непрекинатите напади врз режимот на Сирија во северозападната провинција Идлиб ја дестрабилизираат земјата и покрај договорот за демилитаризација кој минатата година го потпишаа лидерите во Сочи.
Минатиот септември, Русија и Турција се согласија на тампон-зона во Идлиб, во која строго се забранува секаков акт на насилство, со цел да се овозможи на илјадниците бегалци од Сирија да се вратат во своите домови.
Локалното население вели дека силите на режимот скоро нападнале локален центар за цивилна одбрана.
„Цивилите ќе мора да одат на север, каде има бегалски кампови или ќе умрат овде“, вели еден од мештаните. „Но сепак, дури ни камповите веќе не се безбедни“.
„Луѓето имаат само една опција – да пробаат да стигнат во Европа преку Турција“.
Реперкусиите на Сочи беа позитивни, па многу луѓе се вратија назад.
„Но непрекинатите насилства од страна на режимот и иранските сојузници ги протера повторно надвор“.
Галиб Хусаин, директор на едно училиште во Ал-Латаме, вели дека и покрај тоа што градот е генерално населен од цивили, локалните училишта ја прекинуваат наставата поради нападите.
