Силни ветрови во средата го кутнаа горниот дел од прототипот на големата вселенска ракета „Старшип“ на компанијата „Спејс екс“, пишува „Бизнис инсајдер“.
„Само што слушнав за овој инцидент“, потврди Илон Маск, основачот на „Спејс екс“, на „Твитер“.
„Ветрови со брзина од 80 километри на час ги оштетија платформите за врзување и го соборија горниот дел од ракетата. Ќе ни требаат неколку недели за поправка“, додаде тој.
Whoops. Starship Hopper nosecone has been blown over in high winds.
📸NSF’s BocaChicaGal https://t.co/liIk970sm5 pic.twitter.com/6rgGtZmAE2
— Chris B – NSF (@NASASpaceflight) January 23, 2019
Портпаролот на „Спејс екс“ за „Бизнис инсајдер“ потврдил дека носот на ракетата паднал поради силните ветрови.
„Спејс екс“ ги лоцираше своите погони во јужниот дел на Тексас. Локален жител, кој побарал да остане анонимен, потврдил дека ветрови од 80 километри на час дувале во вторникот и средата во таа област.
„Неколку часа се слушаше само звук од удари на метал и дрво. Изгледаше како налет на ураган“, рекол жител на тој дел од Тексас.
Илон Маск во јануари се пофали со својот нов прототип на „Твитер“. На сликата подолу се гледа прототипот на ракетата „Старшип“. Подоцна, ракетата беше демонтирана, а нејзините делови биле врзани за безбедносни платформи.
Starship test flight rocket just finished assembly at the @SpaceX Texas launch site. This is an actual picture, not a rendering. pic.twitter.com/k1HkueoXaz
— Elon Musk (@elonmusk) January 11, 2019
Ракетата „Старшип“ би требала да има носивост од околу 100 тони, што е маса на товар доволен за вселенско патување до Марс или барем до Месечината.
Најавите се дека станува збор за уникатна конструкција, со оклоп од сјаен метал за подобро справување со топлина, а начинот на производство ќе овозможи повторна употреба на речиси сите нејзини делови за вселенски летови.
