Седум смртни случаи и заболени над 8.400 лица од грип во Хрватска, се податоците што ги сподели првиот човек на Националниот референтен центар за инфуелнцата, хрватскиот доктор Владимир Драженовиќ, во изјава за Хрватската телевизија. Според него, во моментот во Хрватска има пријавени 8.460 заболени од грип и седум пријавени сртни случаи, но процените се дека бројот на заболени е четирипати поголем.
„Вистинските бројки допрва доаѓаат. Се смета дека реалната бројка на заболени е четирипати поголема од пријавената. Ако ги следиме динамиката и докажаните случаи, а сега сме во екот на епидемијата, која ќе потрае 8 недели со многу висок интензитет, може да кажам дека такви бројки не сме имале во изминатите 10 години“, нагласи тој.
Годинава зеде замав вурусот на грипот од тип А, кој е 30 отсто поопасен од минатогодишниот тип. Најголем проблем е што тој последните три години не се појавувал, па повеќето од населението ја изгубило отпорноста на него.
