Убавото време, но и новините и уреденоста на Зоолошката градина во Скопје, вчера го наполнија објектот. Зоолошката градина за само еден ден ја посетија 12.000 лица.
Граѓаните максимално го искористија времето за уживање во ЗОО царството кое во поседниот период постојано ги изненадува љубителите на животните.
За посетеноста на објектот на Фејсбук објавиjа и на официјалната Фејсбук страница на ЗОО Скопје, како и директорот на објектот, Ѓорѓи Галетановски.
Најатрактивни меѓу животните се трите жирафи Тебого, Каспер и Флопи, како и слончиците Дуња и Даела.
Во пресрет на 1-ви април во ЗОО Скопје се организира и најголемиот скопски маскенбал.
„Во пресрет на 1 април, во Зоолошка градина Скопје, на 31 март добредојдени сте сите кои уживате во маскирањето. За сите маскирани дечиња подготвивме изненадувања од нашите пријатели: Тинекс, Винчини, Халк Банк, Вива и Пелистерка. За најдобрите маски следуваат награди. Дојдете во Скопје Зоо во недела, 31 март со почеток од 13:00“, велат од ЗОО Скопје во поканата до сите заинтересирани.
Извор: MKD.mk
