Плејмејкерот на Банвит, Џордан Теодор денеска пристигна во Скопје и треба да се приклучи на македонската кошаркарска репрезентација.
Во текот на денешниот ден тој треба да го добие македонскиот пасош со што официјално ќе стане жител на нашата земја и ќе може да настапи за националниот тим. Според квалитетите, Теодор треба да биде големо засилување за нашата репрезентација не само во овие претквалификации, туку и во иднина.
Со неговото доаѓање, останува само уште една дилема за селекторот Јорданчо Давитков: дали Перо Антиќ ќе биде дел од националниот тим во претквалификацискиот циклус за пласман на Светското првенство во 2019 година.
Извор: sportclub.mk
