6 C
Skopje
недела, април 14, 2024
More

    ПОСЛЕДНИ ОБЈАВИ

    Премиера на претставата „Хипноза на една љубов“ во Драмскиот театар

    Најновата премиера на Драмскиот театар Скопје, претставата „Хипноза на една љубов“, по текст на Душан Ковачевиќ, во режија на Димче Николовски, ќе биде изведена в четврток (12.11.2020), со почеток во 17.30 часот.

    Нередовниот термин е поради препораката од Комисијата за здравство за непотребно излегување надвор по 21 часот.

    Текстот „Хипноза на една љубов“ од Душан Ковачевиќ досега бил изведен само во матичниот театар на авторот – театарот „Ѕвездара“ – Белград, каде што се игра со огромен успех и тоа е негов најнов текст.

    „Текстот ‘Хипноза на една љубов’ би можел да се нарече бајковита, тажна, магична комедија. Сите ликови во овој текст на Душан Ковачевиќ се добри, поточно добронамерни. Тој дел ја прави приказната бајка. Тагата што ја носат ликовите е од нивната осаменост затоа што нивните деца си заминуваат од своите домови и одат во туѓина. Тоа што овој текст го прави голем е начинот на кој авторот ја пренесува болката така што слушателот и гледачот го тера да се насмее. Магија“, вели Катарина Коцевска Хаџи Василева.

    „Морате да верувате дека вашата работа некого ќе израдува и дека некој кога ќе излезе од театарот ќе биде поубав отколку кога влегол да ја гледа вашата претстава. И уште ако тој некој за приказната од нашата работилница помисли или каже: Боже, колку беше ова добро! – вие сте направиле чудо, сте создале за миг нов човек, кој доживеал малку среќа во светот на сопствената и планетарната депресија“, вели Душан Ковачевиќ.

    Во претставата играат Драган Спасов – Дац, Маја Вељковиќ-Пановска, Соња Стамболџиоска, Ѓокица Лукаревски, Димитрије Доксевски и Филип Трајковиќ.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.