6 C
Skopje
вторник, април 16, 2024
More

    ПОСЛЕДНИ ОБЈАВИ

    Прв истополов брак во кралското семејство

    По венчавката на американската актерка Меган Маркл со принцот Хари, во кралското семејство ова лето ќе се случи уште една историска свадба.

    Лорд Ивар Маунтбатен, братучед на кралицата Елизабета Втора, јавно објави дека е хомосексуалец во 2016 година и стана првиот член на кралското семејство што јавно ја призна својата сексуална ориентација. Тој откри дека е во врска со Џејмс Којл со кого летово ќе прави свадба.

    На церемонијата ќе присутвува и поранешната сопруга на Маунтбатен, Пени, со која има три ќерки. „Дејли мејл“ објави дека таа ќе го одведе Маунтбатен до олтарот. „Тоа беше идеја на ќерките“, рекла Пени.

    Маунтбатен рекол дека, за жал, никој од кралското семејство нема да присуствува на свадбата. „За жал, тие нема да стигнат на свадбата. Имаат планирани настани и обврски неколку месеци однапред и нема да може да дојдат. Но, тие го обожаваат Џејмс“, рекол тој.

    Иако кралицата не ја коментира претстојната свадба на својот роднина, таа лани ги поддржа првата на ЛГБТ-заедницата. „Мојата влада ќе направи понатамошен напредок за справување со родовиот јаз во платите и дискриминацијата врз луѓето врз основа на нивната раса, вера, пол, инвалидитет или сексуална ориентација“, рече кралицата во говорот што го одржа минатата година во британскиот Парламент.

    На 19 мај Меган Маркл, војвотката од Сасекс, и сегашна сопруга на принцот Хари, влезе во историјата како прва жена од мешана раса во кралското семејство.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.