Поради појава на магла намалена е видливоста од 50 до 60 метри на Стража, Маврово и Попова Шапка, информираа од Авто мото-сојузот на Македонија.
Сообраќајот на државните патишта, информираат оттаму се одвива по влажни коловози, а на некои повисоки места во западните делови од државата има и остатоци од кашест снег на коловозот. На патниот правец Струга – граничен премин Ќафасан, до село Франгово поради оштетување на коловозот, брзината на движење е ограничена на 40 километри на час.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утринските часови постои можност и од појава на голомразица.
