Седум часа по разорниот земјотрес успеале да спасат 5-годишно девојче заробено под урнатините во Турција. Семејството на детето претходно било извлечено од урнатините на шесткатницата во која живееле.
Сепак, да се дојде до малата Ајше беше тешко, пишува CNN Turk.
Со напорите на локалните наставници – колеги на мајката на детето, медицински лица и жандарми, девојчето било спасено. За цело време, јавува Си-Ен-Ен Турк, екипите биле во контакт со Ајша и се обидувале да ја смират. Детето од под урнатините му испратило порака на својот татко. На него пишуваше „Добро сум“.
Втор силен земјотрес со јачина од 7,5 степени го погоди југоисточниот дел на Турција, јавуваат новинските агенции. Претходно земјотреси ја погодија југоисточна Турција и соседна Сирија, каде исто така имаше многу жртви и големи штети. Според досегашните податоци, во земјотресите загинале над 1.900 луѓе.
Во меѓувреме, Турција извести дека главниот земјотрес во текот на ноќта бил со јачина од 7,7 степени според Рихтеровата скала. Земјотресите ги потресоа Турција и Сирија околу 2 часот и 30 минути по локално време, со епицентар во близина на градот Газиантеп, недалеку од границата со Сирија.
Снимките од државната телевизија ТРТ покажаа голем број урнати згради и луѓе кои ги пребаруваат улиците покриени со снег, затрупани под урнатините. Турскиот претседател Ердоган утрово на Твитер објави дека спасувачките тимови се на пат кон погодените области. „Се надеваме дека заедно ќе можеме да се справиме со оваа катастрофа во најкус можен рок и со најмала можна штета.
И во Сирија има многу разурнувања. Снимката покажува спасувачки тимови како носат луѓе на носилки. Шефот на Националниот центар за земјотреси, Раед Ахмед, рече дека тоа е најсилниот земјотрес во Сирија од 1995 година.