Постојано споделуваме лични информации на профилите на социјалната мрежа. Слики, телефони, каде сме биле, што сме правеле и уште многу други лични работи.
Доколку некој преку вашиот фејсбук профил ги чита вашите лични пораки или пак сака да дојде до нив, може лесно да се дознае.
Од менито на вашиот профил каде што избирате да се одлогирате од профилот, изберете “Settings”. Потоа од менито лево изберете “Безбедност”. Се појавуваат неколку опции, од кои едната е “Известување за најавување”. Активирањето на оваа опција ви овозможува да добивате известување по е-мајл или SMS секој пат кога некој ќе се обиде да влезе на вашиот профил од непознат уред за Фејсбук.
Тоа значи дека ако некој ја знае вашата лозинка и ви влезе во вашиот профил, ќе добиете известување за тоа. Приемот на таквото известување би требало да е сигнал за вас веднаш да ја промените лозинката.
