Британката Вики Харпер (24) дознала дека по трет пат е бремена, па поради лошата финансиска состојба се одлучила да абортира.
Вики веќе имала две деца – Роса (2) и Лејла (5), но минатиот јуни заборавила да се напие контрацептивно апче и останала бремена.
– Тоа беше најтешката одлука во мојот живот. Ги сакам децата највеќе на светот, тие се моето богатство, но тогаш немав сили за трето дете, – изјавила Вики.
Таткото на нејзините деца, младиот Кинан Мекивот (19) кој по занимавање е столар не заработува многу пари, но и рекол дека одлуката е нејзина, а тој ќе ја поддржи во се. Вики се одлучила да абортира.
– Кинан дојде со мене на лекар. ме држеше за рака. Плачев малку, но знаев дека тоа е најдоброто решение, – објаснува таа.
Како што вели и самата, уште тој ден знаела дека нешто не е во ред.
– И понатаму бев уморна и имав вртоглавица, а веќе два пати бев бремена и знам како изгледа тоа, – вели Вики.
Затоа направила тест за бременост, кој се покажал како позитивен. Докторот и рекол дека е можно некои хормони и понатаму да се во нејзиното тело и дека нема причина да се грижи.
– После тоа немав менструален циклус два месеци и бевсигурна дека бебето е во мене – изјавила мајката.
Девет недели по неуспешниот абортус направила ултразвук, кој јасно покажал дека таа е бремена. За уште еден абортус било доцна, затоа што веќе била во 16. недела од бременоста, а после 12 недела тие зафати се со голем ризик.
Тогаш се одлучила да го роди бебето. на почетокот на март, Вики на свет донела момчето Џек, кој бил сосема здрав.
