Актуелниот министер за внатрешни работи, Оливер Спасовски, е заеднички кандидат на владејачката коалиција СДСМ – ДУИ, дознава Медијал.мк од извори внатре во коалицијата. Името на Спасовски било израно на синоќешниот состанок помеѓу лидерот на СДСМ, Зоран Заев и на ДУИ, Али Ахмети.
Се чини дека сите други кандидатури спаѓаат во вода. Спасовски е роден во Куманово, а во биографијата се забележува дека бил пратеник во Собранието на предвремените парламентарни избори одржани во декември 2016 година. Од 2001 до 2005 година работел како советник на градоначалникот на Куманово.
Од 2008 до 2011 година работел како секретар во општина Куманово. Спасовски зборува англиски и француски јазик. Тој е женет и има две деца. Како други имиња кои се спомнуваа во јавноста, како можни кандидати на СДСМ и ДУИ беа Радмила Шекеринска, Никола Димитров, Стево Пендаровски, но и градоначалничката на Тетово Теута Арифи.
СДСМ на 3 март има партиски конгрес, на кој ќе се открие кандидатот кој ќе биде поддржан и од ДУИ.
