Најбараниот италијански бегалец, радикалниот левичар Џезаре Батисти, пристигна во Рим, откако претходно беше уапсен во Боливија. Снајперистите го следеа внимателно додека излегуваше од авионот опколен со полиција. Батисти, кој немаше лисици на рацете, потоа беше одведен во посебна просторија на аеродромот, додека се завршат сите процедури.
🎥 #CesareBattisti ripreso poco prima della cattura
Team di poliziotti #Criminalpol #Antiterrorismo e #Digos Milano con collaborazione intelligence italiana lo hanno pedinato fino all'arresto da parte dela polizia boliviana @INTERPOL_HQ pic.twitter.com/adBu9iRvX2— Polizia di Stato (@poliziadistato) January 13, 2019
Полициски извори наведуваат дека за време на долгиот лет од Боливија до Италија тој им раскажувал за неговиот живот и за бегството од Бразил во Боливија.
„Денес му покажавме на светот дека никој не може да побегне од италијанската правда”, изјави на аеродромот министерот за правда, Алфонсо Бонаферде. Батисти со полициска придружба е спроведен во затвор во западниот дел на Сардинија, каде што ќе биде во изолација во наредните шест месеци.
Поранешниот италијански левичар Џезаре Батисти (64) е осуден за убиство и речиси 40 години беше во бегство. Батисти е уапсен од Интерпол во саботата во боливискиот град Санта Круз де ла Сиера.Тој е осуден на доживотен затвор поради вмешаност во четири убиства во 70-тите години од минатиот век, како член на левичарската група Вооружени пролетери за комунизам.
Батисти откако во 1981 година побегна од затвор, извесен период живееше во Франција, а потоа пребегна во Бразил, каде што имаше поддршка од поранешниот претседател Луис Ињацио Лула да Силва. По неодамнешната победа на претседателските избори во Бразил, Жаир Болсонаро вети дека Бастисти ќе биде испорачан на Италија. Во декември бразилскиот Врховен суд нареди апсење на Батисти, но тој исчезна.
Боливиското Министерство за внатрешни работи соопшти дека Батисти илегално влегол во Боливија.Батисти е познат и како писател на криминалистички приказни, а мината година изјави дека стравува оти ќе биде мачен и убиен доколку биде екстрадиран во Италија.
