Еден наставник по англиски јазик идентификуван само како г-дин Ду, кој работи во приватно училиште во Внатрешна Монголија, бил принуден јавно да се извини откако купил лажна дијагноза за туберкулоза преку Интернет само за да може да искористи подолг одмор за Националниот ден на Кина.
Наставникот Ду платил 470 јуани (околу 67 американски долари) за лажен преглед и дијагноза од лекар на Интернет, со цел да докаже дека боледува од туберкулоза, сериозно и многу заразно заболување на белите дробови. Потоа ги презентирал документите пред своите работодавци во приватно училиште, во надеж дека ќе ги убеди да дадат подолго медицинско отсуство, што ќе му овозможи да го продолжи годишниот одмор.
Но, наставникот Ду никогаш не размислувал за тоа колку всушност била слаба неговата лажна дијагноза.
Бидејќи туберкулозата е многу заразна и потенцијално опасна по живот, приватното училиште каде работи г. Ду во Хохот, главниот град на Внатрешна Монголија, било принудено да плати за медицински прегледи на сите ученици на коишто тој им предавал за да се осигура дека не заболеле од туберкулоза.
По тестовите, било потврдено дека две студентки биле позитивни на туберкулоза.
Шокиран од веста дека еден од неговите студенти се разболел од оваа болест, г-дин Ду повторно го посетил овој лекар на Интернет и платил дополнителни 315 јуани (45 долари) за друга лажна дијагноза, што покажало дека тој веќе нема туберкулоза.
Само неговите родители овој пат не му верувале, бидејќи состојбата со туберкулозата бара повеќемесечно лекување со антибиотици, и тие го принудиле да го помине третиот тест во болницата Хохот. Овој тест покажа дека Ду никогаш не чувствувал болка од туберкулоза – што инаку остава физички траги на белите дробови, и дека претходните рендгенски снимки припаѓале целосно на друго лице.
Фатен во лага, г-дин Ду, за кој неговите родители велат дека е многу популарен кај учениците на неименуваното приватно училиште, признал дека се обидел да ги измами своите колеги за да го продолжи одморот.
Нејасно е дали му било дозволено да ја задржи работата како наставник, особено откако приказната стана вирална на кинеските социјални мрежи.
