Четворица сириски војници загинаа при израелските напади на аеродромите во Дамаск, соопшти руското Министерство за одбрана. Како што објавија, уште шестмина војници се здобиле со сериозни повреди, а делумно е оштетена и инфраструктурата на меѓународниот аеродром.
Израел соопшти дека цели на нападот се иранските сили стационирани во Сирија и го предупреди Дамаск да не возвраќа со напади.
These are the Iranian Quds military sites in Syria that we targeted in response:
🎯 Munition storage sites
🎯 Military site located in the Damascus International Airport
🎯 Iranian intelligence site
🎯 Iranian military training camp pic.twitter.com/pzHQv81l1C— Israel Defense Forces (@IDF) January 21, 2019
Според сириските државни медиуми, во изминатите 48 часа сириската воздушна одбрана спречила два напада. Руското министерство, пак, тврди дека сириските сили отфрлиле 30 израелски проектили во последните 48 часа.
Израелската армија денеска повторно објави дека во Сирија ги напаѓа силите на единиците на иранската Револуционерна гарда. Израелската армија ги предупреди сириските сили да не ја напаѓаат израелската територија, ниту, пак, нивните сили, пренесува „Ројтерс“.
