6 C
Skopje
понеделник, мај 20, 2024
More

    ПОСЛЕДНИ ОБЈАВИ

    МЗТ ќе обележи 20 години од победата над Реал

    Актуелниот освојувач на двојната круна во македонската кошарка, МЗТ Скопје Аеродорм, од почетокот на сезоната континуирано ја обележува 50-годишната од основањето, а за 9-ти ноември подготвува и одбележување на најголемата победа во клупската историја, кога во Скопје падна големиот Реал Мадрид.

    mzt_20god

    МЗТ, натпреварот со Гран Канарија во Еврокупот на 9-ти октомври, ќе го искористи за да обележи 20 години од историската победа над Реал Мадрид (69-68). Тогаш Перо Блажевски од линијата за слободни фрлања му донесе триумф на МЗТ против тимот кој од клупата го предводеше Жељко Обрадовиќ, а прва ѕвезда беше Дејан Бодирога.

    Плановите на клубот се на полувремето од мечот со Гран Канарија, чиј член е Лестер Бо Мекејлеб, да се појават членовите на генерацијата која на 6-ти ноември 1996 го срушија Реал.

    „Покани ќе бидат испратени до сите кои беа дел од тој голем триумф. Се надеваме дека обврските (на пример Петровски е во Тирана, Мирза во Грција) ќе им дозволат на сите да дојдат и во тие десет минути да бидат поздравени од публиката. За нив подготвуваме пригодни подароци кои ќе ги потсетуваат на овој датум“, информира за Макфакс клупскиот портпарол Игор Крстевски.

    Клубот подготвува и други изненадувања, меѓу кои и присуството на легендарниот коментатор Љубомир Николовски.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.