Холивудскиот актер, кој стана и успешен режисер, Бредли Купер (44), синоќа се појави на доделувањето на наградите Screen Actors Guild, а како придружничка не ја поведе својата свршеница Ирина Шајк, туку својата мајка Глорија Кампано.
Иако не освои награда за филмот „Ѕвездата е родена“, во кој игра со пејачката Лејди Гага, актерот уживаше во друштво на својата мајка и поп-пејачката.
Мајката на познатиот актер е позната како жена со строг став, а колку се блиски докажуваат озборувањата што се шират во Холивуд дека актерот не одлучува ништо без да се консултира со мајка си.
Многумина сметаат дека за неговата поранешна неуспешна љубов е заслужна мајка му, која не беше задоволна од неговиот избор на девојки.
Таа сметала дека ниту една девојка не е доволно добра за нејзиниот син. Овие озборувања особено дојдоа до израз додека актерот се забавуваше со моделот Суки Ватерхаус (27), која на мајка му не ѝ се допаднала.
Бредли сакаше да се ожени со Суки, но мајка му се закани дека нема да присуствува на таа свадба. Мислеше дека Суки, која беше многу помлада од него, го користи за да се пробие во холивудскиот свет.
Бредли беше во врска со Суки од 2013 до 2015 година. Само еден месец потоа Бредли почна врска со рускиот модел Ирина Шајк, а во март 2017 година двојката ја доби ќерката Леа.
Мама Глорија, наводно, одлично се согласува со Ирина иако на почетокот на врската некои извори не го тврдеа тоа.
