Заменик-премиерот на Италија, Матео Салвини, ја обвини Европската централна банка за напад врз банкарскиот систем на неговата земја, велејќи дека побарувањето за дополнителни штедења со цел да се покријат кредитите ќе ја чини земјата 15 милијарди евра.
Салвини, кој е лидер на екстремно десната партија Лига, изјави дека потегот на ЕЦБ покажува дека европската банкарска унија предизвикува нестабилност и побара поголема транспарентност со цел да се тргне секаков сомнеж од политичките мотиви на централната банка.
Извор на „Ројтерс“ објави дека ЕЦБ ќе им постави рок на италијанските банки за целосно покривање на постоечките и новите долгови. Овој потег ги изненади инвеститорите, а особено ги изненади италијанските банки бидејќи многумина се надеваа дека ЕЦБ ќе биде пофлексибилна.